HyunA
المــديــرة
♣من آيًن تعرفتً علينآ ..!»: : من ألادارة
♣ رآيًكَـ بآلمنتًدى »: : _
عدد المساهمات : 448
الـتقـيـم : 1124
السٌّمعَة : 1
♣ تآريخ الميلادّ »: : 22/04/1994
♣ آنظمآمڪْ » : 11/06/2011
♣ عمّّّّـمـرررري» : 30
♣ الموّقــعّ »: : -
 |  موضوع: محادثة بين بنت وولد في الماسنجر !  الأربعاء مارس 07, 2012 9:21 pm | |
| بسم الله الرحمن الرحيم
السلام عليكم ورحمة الله وبركاته
(( محادثة بين بنت وولد في الماسنجر ))
سالفه حلوه على الماسنجر .. قصة واحد من الشباب .
السبت , ترغب عبير في الانضمام إليك , هل تود استضافتها ؟
الدلخ : الله يلعن خيرك من كمبيوتر ما قلت لك أي بنت اقبلها وأنت مغمض , يالله إنك تحييها يا هلا ومرحبا , أعوذ بالله قحط في هالماسنجر ولا بنت يلله نقبل ع شان نشوف من هي (مسوي ثقل قدام نفسي )
الأحد , طول اليوم شابك على الماسنجر أبشوف من هي ( انعمت عيوني من الشاشه )
وبعد خمس ساعات , قامت عبير بتسجيل الدخول
والدلخ مسوي ثقل وهو يحترق يبغى يشوف من هي وكم عمرها ومن وين وووو ؟؟؟
عبير : سلالالالالالام
الدلخ : هلالالالالالا
عبير : كيفك ؟
الدلخ : كيفك أنتي ؟
عبير : ( كيفك أنتي ) حركات على بالك لبناني
الدلخ : أنا أحلى من اللبنانيين لا تحقريني
عبير : لا يا شيخ من تشبه ؟
الدلخ : أشبه الشمس في عز الظهر .. وأشبه القمر ليلة أربع طعش ههههاي
عبير : أقول يالدلخ
الدلخ : يا عيون الدلخ
عبير : ليه أنت بطيء ما ترد بسرعه ؟ معك أحد غيري ؟
الدلخ : لا لا لا والله ما معي أحد
عبير : ترى بسكر الماسنجر
الدلخ : لا تكفين شوي بس شوي خلي نسولف ( ما صدقنا على الله بوحدة تبي تسكر )
عبير : طيب قل لي نكته
الدلخ : تبغين نكته حقت باسكال مشعلاني ؟
عبير : وسخه ولا زينه ؟
الدلخ : يعني وسط
عبير : لا لا أبغى غيرها لأن باسكال تقهرني بدلعها ما أحبها
الدلخ : طيب فيه واحد نذل دايم يجي لبيتهم متأخر وطرده أبوه من البيت , راح وكتب على البيت لوحه : سكن أمريكان ... ع شان يفجرونه
عبير : لووووووووووول لوووووووول
ياحبي لك يالدلخ أنا أموت فيك .. يا خفك
الدلخ : وش تقولين ؟
عبير : قصدي يا خف دمك
الدلخ : أشوى أحسبك تقولين شي ثاني
عبير : حبيبي ممكن بوسه
الدلخ : عبير مهوب على طول يا عمري ما بعد خذينا على بعض
عبير : أوكي بس بكره تعطيني بوسه
الدلخ : ولا يهمك
الدلخ : آه آه آه
عبير : وش فيك سلامات ؟
الدلخ : قلبي قلبي يا عبير بدا يحب
عبير : أفاااااااااا بس توه بدا يحب ؟
الدلخ : توه دل دربه بس
عبير : أنت وش فيك تتأخر في الرد ؟
الدلخ : توني متعلم الكتابه وأكتب بإصبع واحد كني القط رز مزه هنديه اللي كان بعشره ريال وهالحين غلا صار بواحد وأربعين ريال
عبير : بعد ما شاء الله تناقش الأسعار !!
الدلخ : لا ما لنا ومال السياسه من قال أسعار الله يهديتس بس !!
عبير : ما علينا بس أشوى أحسبك مشبك مع وحده ثانيه وقاعد تكلمها
الدلخ : تطمني كان عندى ثنتين من شهر أكلمهن وحده ملت مني تقول بطيء والثانيه قالت لي : يا ثقل دمك ما عندك ذوق , لأني قلت لها يا دبه , وقالت ترانى أبحذف اسمك من الماسنجر لأنك ما عندك ولا كلمه حلوه تخليني انجذب لك وقالت بعد اسمك الشين يفشلني عند زميلاتي ورازتن اسمك قدام أخواتي في الماسنجر مثل المنظر !
عبير : خلاص أنا زعلانه منك ليه كلمت غيري ؟
الدلخ : يعني أنتي اللي ما كلمتي ؟
عبير : أنا كنت أكلم عشره مو واحد
الدلخ : عشره وأنا معهم ولا تسعه وأنا العاشر ؟
عبير : ياخي يا غبيك ( كل الأعداد اللي تقولهم مجموعهم عشره )
الدلخ : قصدى عشره ولا حدعش يعني ؟
عبير : ممكن تغير الموضوع ياخي ؟
الدلخ : وهالحين كم تكلمين ؟
عبير : واحد يحبنى مرررره ويموت فيني
والثانى غبى مررررره بس خفيف دم
الدلخ : أنا الأول ولا الثاني , أنا مشبه على الأول بس حاس إني الثاني ومتأكد إني الأول ههههاي
اللي تحبينه مرررره وودي أقول إني الثاني ع شان تقولين صح
عبير : دلخوه تراك ضيعتني
وش فيك أنت معد تجمع ولا وش فيك ؟
الدلخ : آه بس آه
عبير : سلامتك من الآه
الدلخ : يا شين الحب
عبير : ليه شين ؟
الدلخ : يضرب الحب شو بيذل
عبير : حبيبي أنا أستأذن
الدلخ : أفاااا بدري ما اتفقنا على كذا ظ
عبير : يا عمري أمي فوق راسي تبغاني أسكر
عبير : باااي باااي جاء أخوي الكبير
الدلخ : يا سفابك والله حسافه !!
عبير : بكره زي الوقت هذا .. بااااي عمري
( ومن بكره اللى يوافق يوم السبت )
عبير : مرحبا
الدلخ : مراحب يا هلا هلالالالالالالالالالالالا
عبير : عمري وشلونك ؟
الدلخ : هلا والله ومسهلا
عبير : أنا زعلانه عليك
الدلخ : ليه بس وش سويت أنا ؟
عبير : غن لي أغنيه ع شان أرضى عليك , ممكن بس لحظه أبحط التحدث وتغني لي ؟
الدلخ : لا لا صعبه والله صوتي مهوب حلو
عبير : لا والله صوتك حلو , بس بس يالله غني لي وترى ما راح أسمعك صوتي إلين تغني !!
الدلخ : آه بس أمرنا لله ( وحطينا التحدث )
وقلت لها : ممكن بس أسمعك تقولين حبيبي ؟
وكتبت لي : لا لا مو ممكن !!
وكتبت لي يالله غني أي أغنيه ..
الدلخ : يبدأ يصدح بالصوت العذب ..
هيله يا رمانه .. هيله يا رمانه
والحلوى زعلانه والحلوى زعلانه
مين يراضيها مين يراضيها
أنا أراضيها وبروحي أفديها
بس ما ألاقيها في يوم زعلانه
يا روحي يا عمري يا حبي العذرى
مليت من صبري والروح ولهانه
والروح ولهااااااااااااااااااااااانه ..
عبير : تسلم يا بعد كل الدنيا
الدلخ : الله يسلمك بس تكفين ودي أسمع صوتك .. ممكن !!؟
عبير : مره ثانيه أنا عندي أخوى الصغير وما أقدر أتكلم , بس أكتب لك
الدلخ : يعني أخوك الصغير سمع صوتي ؟
عبير : إيه سامع صوتك وأنت تغني , يقول : صوته حلو , يحسبه مسجل يقول عيدى الشريط !!
الدلخ : الله يعافيه اللي مدح صوتي .
عبير : ممكن تغني لي مالي فى هالدنيا سواك حقت راشد الماجد ؟
الدلخ : ما تلاحظين يا عمري إني عطيتك وجه !!؟
عبير : نعم نعم عن الغلط بس
الدلخ : امزح امزح لا تزعلين والله امزح
عبير : أنا فرحانه إنك تغني لي , وأنت تهزئني , صحيح إنك دلخ ما تصبر
زى ما قالت خويتي اللي عطتني الماسنجر حقك ؟
الدلخ : آسف والله آسف يالله أغنيها لك ع شان ما تزعلين
ويلي يا ويلي ويلي يا ويلي آه يا ويلي آه يا ويلي
مالي في هالدنيا سواك مالي فى هالدنيا سواك
كفايه جروح يا روح الروح كفايه جروح
حبه أبي يا ناس أبي قربه وبروحي أشتريه
آسف والله ترى ما حفظتها مررره
الدلخ : أقول صلاة الفجر هالحين , وش رايك بكره قبل موعد اليوم بشوي ؟
عبير : لا لا نتواعد أنا وياك ونتغدى سوى بكره
الدلخ : لا لا لا ما يصير مو معقول الكلام هذا ... احلفي إنك صادقه !!؟
عبير : والله اتغدى أنا وياك والوالده سوى
أصلاً كل يوم اتغدى أنا وياك سوى
الدلخ : يا ويحا قلبي ... من معي ؟
عبير : أنا أخوك الصغير يا غبي
والله لا أعلم أمي عليك
وتحول الحلم إلى سراب وتحول الفرح إلى قهر وتهديد من صغير ..
وتحول وجه الدلخ إلى ( خبزه محترقه ) سواد
علماً بأن أخى الصغير يبلغ من العمر 15 عاماً
يعنى بالعربى طحت من عينه
آه بس لو شفتوا الموقف بعد ما رحت له فى غرفته وهو يضحك علي
ويقول !!
دلـــــــــــــــــــــــــــــــــــــــــــــخ
هههههههههههههههه
| |
|
نوني الجميله
كـــورى حـبوب
♣من آيًن تعرفتً علينآ ..!»: : من ألادارة
♣ رآيًكَـ بآلمنتًدى »: : ----------
عدد المساهمات : 45
الـتقـيـم : 45
السٌّمعَة : 0
♣ تآريخ الميلادّ »: : 01/05/1999
♣ آنظمآمڪْ » : 06/03/2012
♣ عمّّّّـمـرررري» : 24
♣ الموّقــعّ »: : السعووديه
| | موضوع: رد: محادثة بين بنت وولد في الماسنجر ! الأربعاء مارس 07, 2012 9:35 pm | |
| مشكووورهه على الموضوع رائع وانسجمت مع القصصصه | |
|
